UEFA-dan AVRO-2020-nin təxirə salınmasını xahiş etdilər

10 Mart 19:35 AÇ-2020 271
UEFA-dan AVRO-2020-nin təxirə salınmasını xahiş etdilər

UEFA-ya üzv olan milli futbol federasiyaları qitə futbol qurumundan Avropa çempionatının təxirə salınmasını xahiş edib.

Sportinfo.az-ın "Tuttosport"a istinadən verdiyi məlumata görə, yerli qurumlar koronavirusa görə müvəqqəti dayandırılan daxili çempionatı başa vurmaq üçün AVRO-2020-nin başqa vaxta keçirilməsini gözləyir.

Ancaq UEFA prezidenti Aleksander Çeferinin bu təklifə müsbət yanaşmadığı iddia olunur.

AVRO-2020 12 iyun - 12 iyulda keçirilməlidir. Püşkatmanın nəticələrinə əsasən, açılış oyunu iyunun 12-də Romadakı "Olimpiko" stadionunda İtaliya və Türkiyə milliləri arasında olacaq.

Bakı Olimpiya Stadionu (BOS) iyunun 13-də Uels - İsveçrə, iyunun 17-də Türkiyə - Uels, iyunun 21-də Türkiyə - İsveçrə matçlarına ev sahibliyi edəcək. İyulun 4-də isə BOS-da 1/4 final oyunlarından biri təşkil olunacaq.

Xəbər Lenti
1 İyul 17:38 "Barselona"ya qayıdır
1 İyul 16:14 Rəşad "Sabah"dan getdi
1 İyul 00:14 Qaray getdi - FOTO