Futbol üzrə 2020-ci il Avropa çempionatının seçmə mərhələsində bu axşam IX turun daha 8 oyunu keçiriləcək. Sportinfo.az xəbər verir ki, ikinci oyun günündə 3 qrupda görüşlər keçiriləcək.
D qrupunda Danimarka Cəbəllütariqi, İsveçrə isə Gürcüstanı qəbul edəcək. Danimarka və İsveçrə rəqiblərini məğlub etməklə mərhələ şanslarını son tura saxlayacaq. Danimarka qalib gəlsə, İsveçrə isə Gürcüstanıa uduzarsa, şimali avropalılar AVRO-2020-yə vəsiqəni təmin edə bilər.
F qrupunda 3 qarşılaşma keçiriləcək. Mərhələni öncədən təmin etmiş İspaniya heç bir iddiası olmayan Malta ilə qarşılaşacaq. Norveç Farar adaları ilə, Rumıniya isə İsveçlə üz-üzə gələcək. Buxarestdə baş tutacaq matç "ölüm-dirim" xarakteri daşıyacaq. İsveç qələbə qazansa, final mərhələsinə yüksələcək. Rumıniyanın qələbəsi isə bütün sualların cavabını son tura saxlayacaq.
J qrupunda İtaliya Bosniya və Herseqovinanın qonağı olacaq. Roberto Mançininn rəhbərlik etdiyi komanda vəsiqəni təmin edib, meydan sahibləri isə seçmə mərhələ vasitəsilə Avropa çempionatına vəsiqə şansını böyük ölçüdə itirib. Ermənistan Yunanıstanı, Finlandiya isə Lixtenşteyni qəbul edəcək. Finlandiya doğma azarkeşlər önündə zəif rəqibini üstələsə, digər matçların nəticələrindən asılı olmayaraq, tarixində ilk dəfə Avropa çempionatında iştirak edəcək.
AVRO-2020
Seçmə mərhələ, IX tur
15 noyabr
D qrupu
23:45. Danimarka - Cəbəllütariq
23:45. İsveçrə - Gürcüstan
Xal durumu: İrlandiya – 12 xal (7 oyuna), Danimarka - 12 (6), İsveçrə - 11 (6), Gürcüstan – 8 (7), Cəbəllütariq – 0 (6).
F qrupu
21:00. Norveç - Farer Adaları
23:45. Rumıniya - İsveç
23:45. İspaniya - Malta
Xal durumu: İspaniya – 20 xal (8 oyuna), İsveç - 15 (8), Rumıniya – 14 (8), Norveç - 11 (8), Farer adaları - 3 (8), Malta - 3 (8).
J qrupu
21:00. Ermənistan - Yunanıstan
21:00. Finlandiya - Lixtenşteyn
23:45. Bosniya və Herseqovina - İtaliya
Xal durumu: İtaliya – 24 (8 oyuna), Finlandiya – 15 (8), Ermənistan - 10 (8), Bosniya və Herseqovina – 10 (8), Yunanıstan – 8 (8), Lixtenşteyn – 2 (8).