"Xorvatiya ilə oyun çox çətin olacaq. Ancaq hər şeyə meydanda aydınlıq gələcək". Sportinfo.az xəbər verir ki, bunu Slovakiya yığmasının hücumçusu Robert Bojenik deyib.
Gənc forvard yerli mətbuata açıqlamasında AVRO-2020-nin seçmə mərhələsində keçirəcəkləri son oyunlara münasibət bildirib. 20 yaşlı oyunçu həm Xorvatiya, həm də Azərbaycanla görüşdə qələbəni hədəflədiklərini söyləyib:
"Son oyunlara yaxşı hazırlaşmışıq. Bizdən gözləntilərin olduğunu bilirik. İlk növbədə Xorvatiya ilə matçdan qələbə ilə ayrılmalıyıq. Ümumilikdə iki həlledici oyun bizi gözləyir. Xəyallarımızı gerçəkləşdirə bilərik".
Noyabrın 16-da Xorvatiyanın qonağı olacaq Slovakiya yığması bundan 3 gün sonra Azərbaycan millisini qəbul edəcək.