.jpg)
"Milan" hücum xəttini yeni oyunçu ilə gücləndirəcək.
Sportinfo.az xəbər verir ki, A Seriyalı təmsilçisi "Atletiko"dan Alvaro Moratanı transfer edəcək.
Bu barədə insayder Fabritsio Romano məlumat yayıb.
İtaliya klubu ispan forvardın müqaviləsində olan 13 milyon avroluq sərbəstqalma məbləğini ödəyəcək. "Milan" 31 yaşlı hücumçu ilə 4 illik sözləşmənin şərtlərini razılaşdırıb.
"Atletiko" Alvaro Moratanı 2020-ci ilin yayında "Çelsi"dən transfer edib.
İspaniya millisi ilə Avropa çempionu olmuş futbolçu ötən mövsüm Madrid təmsilçisinin heyətində meydana çıxdığı 48 rəsmi matçda 21 qol və 5 məhsuldar ötürmə ilə yadda qalıb.
Onun klubla müqaviləsi 2026-cı ilin yayına kimi nəzərdə tutulur.
