Premyer Liqanın 28-ci turu bəzi məşqçi və futbolçular üçün tamaşa meydanı olacaq.
9 nəfər qarşıdakı oyunları kənardan izləyəcək.
Onlardan 6-sı futbolçu, 3-ü məşqçidir.
“Qarabağ” – “Sabah” qarşılaşmasında münaqişə yaşayan Valerio Zuddasla ("Sabah") Müşfiq Hüseynov və Elçin Rəhmanov (hər ikisi “Qarabağ”) hələ də verilmiş cəzanı başa vurmadıqları üçün texniki zonada yer ala bilməyəcəklər.
Futbolçulardan Dioqo Balau, Rikardo Fernandes (hər ikisi “Şamaxı”), Ehtiram Şahverdiyev ("Kəpəz"), Umarali Raxmonaliyev ("Sabah"), İsaak Amoah ("Qəbələ"), Danilo Beskorovaynyi ("Sumqayıt") meydana çıxa bilməyəcək.
Adları çəkilənlər qırmızı vərəqə aldığına və sarı vərəqə limitini doldurduğuna görə cəzalı duruma düşüb.
Aprelin 17-də “Araz-Naxçıvan” – “Turan Tovuz”, “Zirə” – “Neftçi”, bir gün sonra “Karvan-Yevlax” – “Şamaxı”, “Qarabağ” – “Sabah”, aprelin 19-da “Kəpəz” – “İmişli”, “Sumqayıt” – “Qəbələ” görüşləri baş tutacaq.
HƏBİB / SPORTİNFO.AZ
