AFFA İntizam Komitəsi "Sabah", "Qarabağ" və "Araz-Naxçıvan"ı cərimələyib.
Sportinfo.az xəbər verir ki, bu barədə milli assosiasiyanın rəsmi saytı məlumat yayıb.
Premyer Liqada V turun "Araz-Naxçıvan" – "Qarabağ" oyununun 28-ci dəqiqəsində birincilərin müdafiəçisi Slavik Alxasov ikinci sarıdan qırmızı vərəqə aldığı üçün 1 oyun cəzalanıb. "Araz-Naxçıvan" 500 manat cərimə edilib.
Matçın 60-cı dəqiqəsində "Qarabağ"ın azarkeşləri tərəfindən rəqib futbolçunun ünvanına kütləvi şəkildə təhqiramiz ifadələr səsləndirildiyinə görə klub 5000 manat “tərləyib” (maddə 52.5).
"Sabah" – "Turan Tovuz" oyununa Təcili Tibbi Yardım avtomobili təyin edilmiş vaxtdan gec gəldiyinə görə Masazır klubu 2000 manat ödəməli olacaq (maddə 99, 94, 57.2).
