Kadet boksçular (U-15) arasında Azərbaycan Kuboku keçiriləcək.
Sportinfo.az xəbər verir ki, bu barədə Azərbaycan Boks Federasiyasından məlumat verilib.
Sentyabrın 1-də start götürəcək yarışda zona birinciliklərinin final mərhələsində fərqlənən idmançılar güclərini sınayacaqlar.
U-15 Azərbaycan Kubokuna 39 komandadan 97 boksçu qatılacaq. 17 çəki dərəcəsində 4 gün davam edəcək yarışın qalibləri Avropa çempionatında ölkəni təmsil edəcəklər.
U-15 Avropa çempionatı oktyabrda Trabzonda təşkil olunacaq.
