Günahı sübuta yetirilmədi, bəraət aldı – MƏHKƏMƏ QƏRARI

25 Noyabr 2023 16:20 Araşdırma 639
Günahı sübuta yetirilmədi, bəraət aldı – MƏHKƏMƏ QƏRARI

“Azimport” şirkətinin rəhbəri, Azərbaycan Cüdo Veteranları Assosiasiyasının prezidenti Azər Əsgərovdan hədə-qorxu yolu ilə 500 min dollar almaqda ittiham olunan iş adamı Kamal Akimovun cinayət işi üzrə məhkəmə araşdırması başa çatıb.

Sportinfo.az xəbər verir ki, Bakı Ağır Cinayətlər Məhkəməsində hakim Zeynal Ağayevin sədrliyi ilə keçirilən sonuncu iclasda hökm oxunub.

Hökmə əsasən, K.Akimovun günahı sübuta yetirilmədiyindən ona bəraət verilib.

Prokuror ittiham nitqində müttəhimə 11 il həbs cəzası tələb etmişdi. Lakin K.Akimovun vəkili Ceyhun Yusifov ittihamla razılaşmayıb, müdafiə çıxışında müvəkkilinin günahsız olması ilə bağlı əsaslı sübutlar ortaya qoyub.

akimova-beraet-verildi

Qeyd edək ki, ittihama görə, Kamal Akimov Azər Əsgərovu özünə və ailəsinə zərər yetirməklə hədələyərək ondan 500 min dollar alıb.

K.Akimova qarşı Cinayət Məcəlləsinin 182.3.2 (hədə-qorxu ilə tələb etmə) maddəsi ilə ittiham olunub, barəsində həbslə bağlı olmayan qətimkan tədbiri seçilib.

Təqsirləndirilən şəxs ifadəsində özünü təqsirli bilmədiyini, zərərçəkmişin onu şərlədiyini deyib. K.Akimovun dediyinə görə, A.Əsgərovun “Azimport” şirkəti 10 il əvvəl onun Səbail rayonunda yerləşən 146 kvadratmetrlik obyektini sökərək öz istifadəsinə götürüb.

Kamal Akimovun Silahlı Qüvvələrin sabiq Baş qərargah rəisi general-polkovnik Nəcməddin Sadıkovun oğlu ilə biznes ortağı olduğu iddia edilir.

Fotoda Azər Əsgərov

Digər Xəbərlər
Xəbər Lenti