"Bavariya"nın İdarə Heyətinin sədri Karl-Haynts Rummenige Almaniya bundesliqasının XI turunda Dortmund "Borussiya"sına 4:0 hesabı ilə qalib gəldikləri oyundan sonra yeni baş məşqçi məsələsinə münasibət bildirib.
Sportinfo.az xəbər verir ki, "Sport1" kanalına danışan klub rəsmisi hazırda bu vəzifəni yerinə yetirən Hans-Diter Flikin işini davam etdirəcəyini söyləyib. Rummenige Niko Kovaçın istefasından sonra boş qalan posta əsas namizədlərdən biri olan Arsen Vengerə hər şeyi başa salacağını deyib:
"Hələ ki, Fliklə işləməyə davam edəcəyik. Arsen Vengerə hörmətlə yanaşıram. Ona zəng vurub, hər şeyi izah edəcəyik. Onu əsəbləşdirmək istəmirəm".
