“Bayern”in vingeri Luis Diasın adı son günlər Səudiyyə Ərəbistanının “Əl-Hilal” klubu ilə hallansa da, kolumbiyalı futbolçu gələcəyi ilə bağlı qərarını verib.
Sportinfo.az “Sky Sport”-a istinadən xəbər verir ki, “Əl-Hilal” 29 yaşlı oyunçu üçün təxminən 70 milyon avro təklif etməyə hazırdır.
Ancaq Dias artıq Münhen klubunun rəhbərliyinə komandada qalmaq istədiyini bildirib və Səudiyyə Ərəbistanından gələn marağı qəbul etməyib.
“Bayern” rəhbərliyi də futbolçunu satmaq niyyətində deyil. Ötən yay “Liverpul”dan transfer olunan Dias debüt mövsümündə uğurlu çıxışı ilə etimadı doğruldub və klub onunla yollarını ayırmağı düşünmür.
Diasın “Bayern”lə müqaviləsinin müddəti 2029-cu ilin yayına qədər nəzərdə tutulub.
O, ötən mövsümdə Vensan Kompaninin rəhbərlik etdiyi komandada 51 oyunda meydana çıxaraq, 26 qol vurub və 23 məhsuldar ötürmə verib.
