II Liqada III tura yekun vurulub.
Hesabat həftəsinin ən böyükhesablı oyunlarından biri Lənkəranda keçirilib.
«Lerik» Olimpiya Kompleksinin stadionunda "Şəfa"nı qəbul edib. Qarşılaşma bölgə təmsilçisinin 6:1 hesablı qələbəsi ilə başa çatıb.
Güclü yağış səbəbindən meydança suyun içində qalıb. Amma bu, ev sahiblərinin istədiyi qədər qol vurmasına əngəl törətməyib.
Kamran Abdullazadənin 6-cı dəqiqədə cərimə zərbəsindən hesabı açdığı epizodu xüsusi qeyd etməliyik. «Xəzər Lənkəran»ın yetirməsi standart vuruşu gözəl yerinə yetirərək, darmadağın əsasını qoyub.
Beləcə, xallarını 6-ya yüksəldən "Lerik" turnir cədvəlinin III pilləsində qərarlaşıb. Bütün oyunlarda məğlub olmuş "Şəfa" isə sonuncu yerdədir.
SPORTİNFO.AZ
