«Neftçi»nin sabiq çalışdırıcısı Vəli Qasımov yenidən məşqçilik həyatına dönməyə yaxındır.
Bunun üçün ona bir qədər gözləmək lazımdır.
Ola bilsin, elə bu gün millinin sabiq hücumçusunun təyinatı açıqlansın. Hər şey I Liqanın 9-cu turu çərçivəsində keçiriləcək «Şamaxı» - «Karvan» qarşılaşmasının nəticəsindən asılıdır.
Şamaxının eyniadlı təmsilçisi uduzarsa, yaxud heç-heçə edərsə, Vüqar Əsgərli ilə yollar ayrılacaq.
Klub rəhbərliyi mövsümün geridə qalan hissəsində cəmi 4 qələbə qazanan və 15 xalla turnir cədvəlinin dördüncü pilləsində qərarlaşan komandanın çıxışından kəskin narazıdır. Hazırkı baş məşqçiyə 1 oyunluq möhlət verilib.
Vəli Qasımov kollektivi qəbul etməyə hazırdır. İki ildir əyalət klubunda uşaq futbol məktəbinə cavabdehlik daşıyan mütəxəssis «Şamaxı»nı Premyer Liqaya qaytarmağın məsuliyyətini öz üzərinə götürməyə razıdır.
SPORTİNFO.AZ
.jpg)
