“Şüvəlan”ın yeni baş məşqçisinin kimliyinə aydınlıq gəlib.
Sportinfo.az xəbər verir ki, qəsəbə təmsilçisini bundan sonra Adil Şükürov çalışdıracaq.
Mütəxəssislə 5 illik müqavilə bağlanılıb. Şükürov bundan əvvəl “Zirə” Futbol Akademiyasının rəhbəri olub.
O, həmçinin “qartallar”ın baş məşqçisi vəzifəsində çalışıb və bu komandaya 2015/16 mövsümündə Topaz Premyer Liqasının gümüş medallarını qazandırıb.
Bundan başqa, sözügedən mütəxəssis 17 yaşlılardan Azərbaycan millisinin və “Bakı”nın müxtəlif yaş qrupları üzrə komandalarını çalışdırıb.
