Faktiki olaraq rəhbərsiz qalan "Kəpəz"də maaşlar da verilmir.
Sportinfo.az xəbər verir ki, Gəncə klubunun futbolçuları və texniki heyətinə hələ noyabr ayının maaşı da verilməyib.
AFFA-dan hər dəfə "yaxın günlərdə" məvaciblərin ödəniləcəyi ilə bağlı vədlər verilsə də, əməl olunmur. Halbuki, AFFA-dan maliyyələşən digər I divizion klublarında noyabrın maaşları artıq verilib.
Gəncə şəhər İcra Hakimiyyətinin keçmiş başçısı Elmar Vəliyevin oğlu Elmir Vəliyevin "Kəpəz"in Müşahidə Şurasının rəhbərliyindən istefa verəndən sonra onun kluba rəhbərlik edən adamları da işdən çıxarılıb.
Hazırda "Kəpəz"in rəhbərliyində heç kim təmsil olunmur. AFFA-nın kluba yeni rəhbər təyin edəcəyi deyilsə də, bu baş verməyib.
