Danışılmış oyunlarda iştirak şübhəsi bir çox klubları «yandırıb», axırına çıxıb.
Təsdiqi tapanı da, tapmayanı da. I Divizionun altını üstünə çeviən elə bu söz-söhbətlərdi.
«Ağsu» hələlik sudan quru çıxan komandalardan birili. Hansısa «sehrli qüvvə»nin köməyi ilə. 6 ildi fəaliyyət göstərən Aran təmsilçisi süqutun astanasındadı.
Buna aparan yol ötən ildən başlayıb. «Azqranata» şirkəti kluba ayırdığı maliyyəni qəpik-quruş səviyyəsinə endirib. Futbolçular bazadan çıxarılıb, maaşlar böyük ölçüdə azaldılıb.
Amma və lakin…
Rüfət Quliyevin çalışdırdığı kolektivin adı «stavka» başlıqlı xəbər lentini tərk etmir ki, etmir! Divizionun 11-cu turunda «Qaradağ Lökbatan»ı qəbul edən «şərabçılar» mövsumün 6-cı məğlubiyyəti ilə üzləşb.
Təəccüblüsü o deyil ki, «Ağsu» 9 xalla turnir cədvəlinin 12-ci pilləsinə enib. Bundan daha betər hal komandanın müdafiə xəttinin biabırçı səhvləri və nəticədə son 12 dəqiqə ərzində 3 topun buraxılmasıdı.
Peşəkar Futbo Liqasının matçdan hazırladığı bu reportaja diqqətlə baxın, dalağınız mütləq sancacaq. Elə oyunu izləyən ağsulu tərəfdarların «Allah bəlanızı versin!» qışqırması da AFFA rəsmiləri üçün bir ipucudu.
1 saatın içində «Ağsu»nun bütün paxırlarının üstünü açarlar. İşdi-şayəd, istəsələr...
SPORTİNFO.AZ
