Tovuzun İcra Hakimiyyətinin başçısı Məmməd Məmmədov, nəhayət ki, «Turan» rəhbərliyi ilə bir araya gəlib.
Görüşdə klubun I Diviziondakı çıxışı və ümumi vəziyyəti geniş müzakirə olunub.
Rayonun birinci şəxsi postuna təyinat alandan sonra tez-tez yolunu stadiondan salan M.Məmmədova «Turan»ın problemləri barədə məlumatlar verilib. B
ildirilib ki, klub maliyyə cəhətdən birbaşa AFFA-dan asılıdı, başqa gəlir mənbəyi yoxdu. Maddi çatışmazlıqlar həmçinin arenada ciddi təmir-yenidənqurma aparmağa əngəl yaradır.
İcra başçısı «Turan»ın inkişafını istədiyini, bu istiqamətdə müəyyən işlər görəcəyini və hazırda tədbirlər planı üzərində çalışmaların olduğunu söyləyib: «Mən Tovuzun fəxri olan kluba hər cür köməklik edəcəm».
SPORTİNFO.AZ
