“Kəpəz” Birinci Divizionda yaranmış fasilədə yoxlama oyunu keçirib.
Sportinfo.az xəbər verir ki, “sarı-göylər”in rəqibi Region Liqasında Gəncəni təmsil edən “Qoşqar”olub.
Matç Göygöl Olimpiya İdman Kompleksinin stadionunda reallaşıb. Oyun ərzində hər iki komandanın məşqçilər korpusu heyətdəki bütün futbolçuları sınaqdan keçirib.
Hesaba gəlincə, Gəncə derbisi “Kəpəz”in böyükhesablı qələbəsi ilə nəticələnib - 12:2. Tərəflər arasında sentyabr ayında da yoldaşlıq görüşü keçirilmişdi və həmin oyunda da Birinci Divizion təmsilçisi 4:1 hesabı ilə qalib gəlmişdi.
