I Divizionda daha bir texniki məğlubiyyət qeydə alınıb.
Sportinfo.az xəbər verir ki, X turda “Zirə-2”nin səfərdə "Turan Tovuz"la keçirdiyi oyunun (2:3) nəticəsi ləğv olunub və komandaya texniki məğlubiyyət verilib.
Buna səbəb qonaqların heyətində 3 futbolçunun lisenziyasının görüşdən əvvəl hakimə təqdim olunmamasıdır. Qəsəbə təmsilçisi həmçinin 800 manat məbləğində cərimə olunub.
Daha öncə "Zirə"nin əsas komandasına da texniki məğlubiyyət verilib. I Divizonda isə "Səbail-2" komandası iki dəfə texniki məğlubiyyətlə üzləşib.
