Birinci Divizion təmsilçisi “Xəzər” bu gün Türkiyəyə yollanacaq.
Sportinfo.az xəbər verir ki, artıq komandanın Antalyadakı təlim-məşq toplanışı zamanı keçirəcəyi ilk yoxlama matçında rəqibi də bəllidi.
Sözügedən komanda Almaniyanın “Vakker Nordhauzen” kollektivi ilə üz-üzə gələcək. Qarşılaşma yanvarın 20-də “Titanik” İdman Mərkəzinin stadionunda baş tutacaq.
“Xəzər” Bakıdakı toplanışını bu gün “Səbail”ə qarşı keçirdiyi yoxlama oyunu (1:3) ilə yekunlaşdırıb.
