I Divizionda medallar uğrunda mübarizə aparan «Xəzər» heyətini gücləndirməyə davam edir.
Baş məşqçi postuna Elşad Əhmədovu gətirən debütant «Şüvəlan»ın 2 aparıcı simasıyla münasibətlərini rəsmiləşdirib.
«Bakı»nın yetirməsi, «Simurq» və «Qəbələ» kimi böyük klubların formasını geyinmiş Vadim Abdullayev və «Qarabağ»ın məktəbindən çıxmış Fuad Məmmədzadə yeni ildənt «göylər»in şərəfini qoruyacaq. Onlarla 6 aylıq müqavilə imzalanıb.
«Xəzər» bu cütlükdən öncə «Kəpəz»dən ayrılan Novruz Məmmədovu rənglərinə bağlayıb. Həmçinin «Səbail»dən Tanrıverdi Məhərrəmli, «Binə»dən Bəxtiyar Soltanov və «Qəbələ»dən Ramild Həsənovla müqavilə imzalanıb.
