!["Bu, bizim səlahiyyətimizdə olan məsələ deyil" - RƏSMİ AÇIQLAMA](https://www.sportinfo.az/media/2023/11/09/samax.jpg)
"Şamaxı" Birinci Divizionun sonuncu turunda qarşılaşacaqları "Araz Saatlı" ilə matç üçün VAR-la bağlı Peşəkar Liqasına müraciət etməyi düşünmür.
Bu barədə klubun mətbuat xidmətinin rəhbəri Yusif Hüseynov Sportinfo.az-a açıqlamasında "Qaradağ Lökbatan"la qarşılaşmadan sonra komandanın baş məşqçisi Ramiz Məmmədovun növbəti oyun üçün də PFL-dən VAR-ın göndərilməsini xahiş edəcəkləri barədə açıqlamasına münasibət bildirərkən deyib:
"Baş məşqçimizin fikirləri ilə tanışıq. Biz “Qaradağ Lökbatan”la matçda VAR-ın olacağını sonradan bildik.
Həm AFFA, həm PFL rəhbərliyi özləri qərar verib. “Araz Saatlı” ilə bizi çox vacib bir oyun gözləyir, bütün fikrimizi bu oyuna yönəltmişik.
VAR-la bağlı müraciət etmək bizim səlahiyyətimizdə olan məsələ deyil".
Иu mövsüm ilk dəfə Birinci Liqanın "Qaradağ Lökbatan" - "Şamaxı" oyununda VAR-dan istifadə olunub.
"Şamaxı" son turda "Araz Saatlı"nı məğlub etsə Birinci Liqanın çempionu olacaq.
XANOĞLAB / SPORTİNFO.AZ