Yeni mövsümdən Ii Divizionda mübarizə aparmağa hazırlaşan “Göyçə”nin inkişaf trayektoriyasını müəyyən edən 4 illik konsepsiyası açıqlanıb. Sportinfo.az sizi həmin konsepsiya ilə tanış edir:
1-ci il
Məqsəd: 2017/18 mövsümündə Birinci Divizionda çıxış etmək. Komandaya təcrübəli futbolçular cəlb etmək. Çempion olub, növbəti mövsümdə Topaz Premyer Liqasına vəsiqə qazanmaq. Bu il “Göyçə” futbol akademiyasının bir neçə yaş qrupu üzrə komandalar formalaşdırmaq.
2-ci il
Məqsəd: 2018/19 mövsümündə Topaz Premyer Liqasında çıxış etmək. Bacardıqca yüksək yerlər uğrunda mübarizə aparmaq, növbəti mövsüm üçün komandaya daha bacarıqlı futbolçular cəlb etmək. “Göyçə” futbol akademiyasının bütün yaş qruplarının komandalarını formalaşdırmaq (9-19 yaş).
3-cü il
Məqsəd: 2019/20 mövsümündə Topaz Premyer Liqasında çıxış etmək. Yüksək yerlərdən birini tutmaq və avrokubok yarışlarında iştirak etmək. “Göyçə” futbol akademiyasının inkişafı üçün xüsusi tədbirlər görmək. Klub bu il Azərbaycan milli komandalarının birinə minimum 1 futbolçu təqdim etməlidi.
4-cü il
Məqsəd: 2020/21 mövsümündə Topaz Premyer Liqasında çempionluğa oynamaq. Avrokuboklarda bir neçə mərhələ keçmək. Klub bu il Azərbaycan milli komandalarının birinə minimum 3 futbolçu təqdim etməlidi.
