«Mənim istefa verib getmək fikrim yoxdur».
Bu sözləri Sportinfo.az-a açıqlamasında «Zaqatala»nın prezidenti Musa Qurbanov deyib.
AFFA-nın «Kəpəz» və «Turan Tovuz»u Premyer Liqaya qəbul etməyə hazırlaşıb, onun rəhbəri olduğu klubu I Divizionda saxlamasından məyusluq hissi keçirən tanınmış funksioneri dinləyək:
«Biz də növbəti mövsümdə Premyer Liqada mübarizə aparmaq istəyirdik. Baza və azarkeş olaraq buna çoxdan hazırıq.
AFFA klubumuzu daha 1 il Premyer Liqadan kənarda saxlamağı lazım bildisə, daha nə demək olar…
Ruhdan düşmürük. Əvvəlkitək öz mübarizəmizi aparacağıq.
Neçə ildir bu klubun prezidentiyəm. Başladığımız işləri davam etdirmək əzmindəyik».
