AFFA İntizam Komitəsi I Divizionda XIX turun MOİK – “Sabah-2” matçında (0:0) dalaşan futbolçuları cəzalandırıb.
Sportinfo.az xəbər verir ki, bunlar “Sabah-2”nin gürcüstanlı hücumçusu Mixeil Erqemlidze və MOİK-in yarımmüdafiəçisi Ruslan Voronsovdur.
Hər iki şəxs təcavüzkar davranışa görə birbaşa qırmızı vərəqə alaraq meydançadan kənarlaşdırıldığı üçün 2 oyunluq diskvalifikasiyaya məruz qalıb.
Onların klubları isə hərəyə160 manat cərimələnib.
Bundan başqa, MOİK-ə 4 futbolçusunun sarı vərəqə alması səbəbindən 80 manat cərimə kəsilib.
Hadisə matçın 65-ci dəqiqəsində yaşanıb. Belə ki, Mixeil Erqemlidze MOİK-dən Rafael Qavamini vurub.
Nəticədə qarşılaşmanın baş hakimi Rəvan Həmzəzadə Mixeili Erqemlidzeyə qırmızı vərəqə göstərib.
Lakin ara bununla sakitləşməyib. “Sabah-2"nin məşqçiləri hakimin qərarına etiraz ediblər və meydançaya daxil olmağa cəhd göstəriblər.
