"Büdcəmiz bir qədər yüksək olsa, rəhbərlik komandaya daha yaxşı futbolçular gətirə bilər".
Bu sözləri Sportinfo.az-a açıqlamasında "Zaqatala"nın baş məşqçisi Rüstəm Məmmədov deyib.
Çalışdırdığı komandanın növbəti mövsümdən Premyer Liqada çıxış etməsini istəyən mütəxəssisi qayğılandıran yeganə problem maliyyə ilə bağlıdır.
O bildirib ki, büdcə imkan versə, səviyyəli legionerləri bura gətirmək mümkündür:
"Zaqatala" Premyer Liqaya yüksəlsə, əcnəbi oyunçunun komandaya gətirilməsi problem olmayacaq. Rəhbərliyin bu baxımdan yaxşı əlaqələri var.
AFFA-dan xoş xəbər gözləyirik. Ümid edirik ki, Premyer Liqaya buraxılan yeni klublar arasında "Zaqatala"nı da görəcəyik.
Zaqatala futbol rayonudur, buranın insanları futbolla nəfəs alır".
