Nigeriyalı "Kəpəz"də necə peyda oldu? - AÇIQLAMA

10 Noyabr 2021 21:20 I Divizion 1 225
Nigeriyalı "Kəpəz"də necə peyda oldu? - AÇIQLAMA

Divizionda işləri heç də yaxşı getməyə "Kəpəz" güclənməyə qərar verib.

Belə ki, Gəncə klubu nigeriyalı futbolçu Akinyemi Aleks Viktoru baxışa dəvət edilib.

26 yaşlı yarımmüdafiəçinin anidən "Kəpəz"də peyda olması, əslində, böyük təəccüb yaratdı.

Sportinfo.az-ın sorğusuna cavab olaraq heyətə cəlb edilən legionerlə bağlı "Kəpəz"in mətbuat xidmətinin rəhbəri Azad Mustafayev bunları deyib:

"Yerli menecerlər tərəfindən bizə təklif olunub. Bu günü də saysaq artıq üç gündür komandamızla məşqlərdə iştirak edir.

Baş məşqçi Yaşar müəllim onu nəzərdən keçirir. Əgər müsbət qərar olsa, "Kəpəz"lə müqavilə bağlayacaq. Yəqin ki, bu həftənin sonuna kimi bir qərar veriləcək".

Digər Xəbərlər
Xəbər Lenti