I Divizionda 2020/2021 mövsümünün qalibi müəyyənləşib.
Sportinfo.az xəbər verir ki, XXV turda evdə "Kəpəz"ə 1:0 hesabı ilə qalib gələn "Neftçi-2" sona 2 tur qalmış çempionluğunu rəsmiləşdirib.
"Ağ-qaralar"ın qolunu 65-ci dəqiqədə İsmayıl Zülfüqarlı vurub.
Bu qələbədən sonra xallarını 61-ə çatdıran paytaxt təmsilçisi ən yaxın izləyicisi "Zaqatala"nı 11 xal qabaqlayır.
Aşağı dəstədə medalçılar da bəlli olub. Digər komandaların 2-3-cü yerləri tutmaq şansı olmadığından "Zaqatala" ilə "Turan Tovuz" mükafatları təmin edib.
Rəqiblərindən 1 oyun az keçirən zaqatalalılar 50 xalla ikinci pillədə qərarlaşıb. Əyalət komandası mayın 7-də "Qaradağ Lökbatan"ı qəbul edəcək. XXV turda "Sabah"la 3:3 hesablı heç-heçəyə razılaşan "Turan Tovuz" isə 48 xalla 3-cü sırada yer alıb.
Günün digər oyununda "Qarabağ-2" evdə "Keşlə-2"ni 3:1 hesabı ilə məğlub edib.
Hazırda "Neftçi-2"nin baş məşqçisi Mahmud Qurbanovdur. Əslən Gəncədən olan 50 yaşlı mütəxəssis 1992 - 1996 və 1997 - 2000-ci illərdə "Kəpəz"in futbolçusu, 2012-2013-cü illərdə isə baş məşqçisi olub.
6 may
"Qarabağ-2" – "Keşlə-2" - 3:1
Qollar: Seyxan Fərəcov, 10; 22, Musa Musazadə, 45+1 – Xəzər Mahmudov, 90+1
"Sabah-2" – "Turan Tovuz" - 3:3
Qollar: Təbriz İsazadə, 42. Abdulla Xaybulayev, 44. Camal Cəfərov, 74 – Vidadi Cəfərov, 25; 84-pen; 90+2.
"Neftçi-2" – "Kəpəz" - 1:0
Qol: İsmayıl Zülfüqarlı, 65.
N | Klublar | O | Q | H | M | T-F | X |
1 | Neftçi-2 | 25 | 19 | 4 | 2 | 58-14 | 61 |
2 | Zaqatala | 24 | 16 | 2 | 6 | 50-28 | 50 |
3 | Turan Tovuz | 25 | 13 | 9 | 3 | 37-19 | 48 |
4 | Sabah-2 | 25 | 13 | 3 | 9 | 44-34 | 42 |
5 | Qarabağ-2 | 25 | 10 | 4 | 11 | 30-26 | 34 |
6 | Keşlə-2 | 25 | 8 | 3 | 14 | 29-52 | 27 |
7 | Kəpəz | 25 | 6 | 7 | 12 | 28-36 | 25 |
8 | Qaradağ Lökbatan | 24 | 6 | 5 | 13 | 24-38 | 23 |
9 | Sumqayıt-2 | 24 | 4 | 6 | 14 | 23-46 | 18 |
10 | MOİK | 24 | 4 | 5 | 15 | 26-56 | 17 |
BOMBARDİRLƏR: Vidadi Cəfərov ("Turan Tovuz") - 16 qol |