AFFA İntizam Komitəsinin növbəti iclası keçirilib.
Sportinfo.az xəbər verir ki, komitə birinci divizionun XVII turunda baş vermiş neqativ hallara hüquqi qiymət verib.
“Sumqayıt-2” – MOİK oyununda xərəkdaşıyanların yaş həddi pozulduğu üçün meydan sahibləri 80 manat məbləğində cərimələnib.
“Sabah-2”ın hücumçusu Kamran Quliyev “Turan Tovuz”la səfər görüşündə qeyri-etik ifadəyə görə birbaşa qırmızı vərəqə ilə meydançadan kənarlaşdırıldığı üçün 3 oyunluq cəzalandırılıb, klubu 160 manat cəriməyə məruz qalıb.
