“Zirə” klubunda ilk rəsmi ayrılıq baş verib.
Sportinfo.az xəbər verir ki, Bakı təmsilçisi müdafiəçi Anastasios Papazoğlu ilə vidalaşıb.
Müqavilə müddəti bu gün başa çatan yunanıstanlı oyunçu ilə yeni saziş bağlamağa ehtiyac duyulmayıb.
Hələ qış fasiləsində əvəzedici heyətə göndərilən və həmin vaxtdan əsas komanda ilə məşq etməyən 32 yaşlı futbolçu bu gündən azad agent statusu daşıyır.
“Zirə”yə ötən ilin yayında OFİ klubundan keçən Anastasios Papazoğlu Premyer Liqada 10 oyunda iştirak edib, 1 avtoqola imza atıb.