“Mövsüm başa çatdıqdan sonra demək olar ki, hamımız istirahətə yollanmışdıq.
Birdən deyildi ki, avrokuboklarda iştirak ehtimalımız var”.
Sportinfo.az xəbər verir ki, bu sözləri “Zirə”nin kapitanı Ruan Renato deyib.
Brazialiyalı müdafiəçi avrokuboklarda iştirakın onlar üçün gözlənilməz olduğunu vurğulayıb:
“Təbii ki, bu qərar hamımız üçün gözlənilməz oldu. Məşqçilərimizin verdiyi proqram sayəsində istirahət zamanı müəyyən qədər formada qalmağa çalışırdıq.
Toparlana bildik. Məncə, ilk oyun üçün yaxşı nəticə oldu.
Bu qələbə gələcəkdə çempionata köklənməyimiz baxımından da mühüm əhəmiyyət kəsb edir”.
