.jpg)
Kişi voleybolçulardan ibarət Azərbaycan millisi Avropa çempionatının təsnifat mərhələsində iştirak edəcək.
Sportinfo.az xəbər verir ki, qitə birinciliyinin seçmə mərhələsi 2024-25-ci illərdə baş tutacaq.
Turnirə bu ilin avqust ayında start veriləcək. Komandalar reytinqdəki yerlərinə görə qruplara bölünüblər.
Reytinqdə 26-cı olan Azərbaycan millisi B qrupunda Belçika (11-ci yer) və Avstriya (29-cu yer) ilə birgə mübarizə aparacaq.
Komandamız evdə və səfərdə olmaqla ümumilikdə dörd oyun keçirəcək.
Qarşılaşmaların yarısı bu il avqustun 17-29-da, yarısı isə 2025-ci il avqustun 9-17-də təşkil olunacaq.
Seçmə mərhələdə 21 yığma (7 qrup) çıxış edəcək və onlardan 12-si final mərhələsinə vəsiqə qazanacaq.
Qrup qalibləri və ən yaxşı nəticə ilə ikinci olacaq 5 komanda Avropa çempionatında iştirak hüququ qazanacaq.
17-18 avqust 2024
Avstriya – Azərbaycan
24-25 avqust 2024
Azərbaycan – Belçika
13 avqust 2025
Belçika – Azərbaycan
16-17 avqust 2025
Azərbaycan - Avstriya
