Dünən Səudiyyə Ərəbistanında oynanılmalı olan Türkiyə Superkuboku qarşılaşmasının (“Qalatasaray“la “Fənərbağça“ arasında) ləğvi dünya mediasında əsas müzakirə predmetinə çevrilib.
Yerli hakimiyyətin arenada Atatürk pankartları, köynəkləri və İstiqlal Marşını (Türkiyənin dövlət himni - red.) qadağan etməsi barədə danışan Sportinfo TV-nin aparıcı-eksperti Elçin Cəfərov deyib ki, Türkiyə Futbol Federasiyası (TFF) rəhbərliyi dərhal istefa verməlidir:
“Türk futbol adına çox rəzil bir gün idi. Süperkubok finalının yerinin müəyyənləşdirilməsi ilə bağlı müzakirələr zamanı TFF prezidenti “Azərbaycan “gəlib bizdə oynayın“ deyir, ancaq orada pul yoxdur” demişdi.
Nə oldu Mehmet Büyükekşi, Bakıya ağız büzürdün? Ərəbistan TFF-yə elə bir sillə vurdu ki, bundan ayılmağı çox uzun çəkəcək”.
VİDEONU BU LINKƏ DAXİL OLARAQ İZLƏYİN: