Azərbaycan millisinin qapıçısı Şahruddin Məhəmmədəliyevin də formasını geyindiyi “Adana Demirspor”un müdafiəçisi Endryu Qravillo klubdan ayrılıb.
Sportinfo.az xəbər verir ki, bu barədə “L'Equipe” məlumat yayıb.
25 yaşlı futbolçunun bir neçə aydır maaşını ala bilmədiyi üçün vəkili vasitəsi ilə Superliqa təmsilçisi ilə müqaviləsini təktərəfli ləğv etdiyi iddia olunub.
Qravillo artıq klub axtarışına da başlayıb. Onun Rusiya “Spartak”ı ilə danışıqlar apardığı və bu komandaya transfer olunacağı bildirilir.
Xəbərdə o da qeyd edilib ki, maddi problemlər səbəbindən bir çox futbolçu "Adana Demirspor”dan ayrılacaq. Klub futbolçularının maaşını ödəməkdə çətinlik çəkir.
Şahruddin Məhəmmədəliyev bu ilin sentyabr ayında “Qarabağ”dan “Adana Demirspor”a keçib.