"Baş məşqçi Aleksandar Stanoyeviç Mahirin komandada qalmasını istəsə, bizim üçün sürpriz olmayacaq".
Sportinfo.az xəbər verir ki, bunu "report"a açıqlamasında "Konyaspor"un icraçı direktoru Mustafa Göksu Azərbaycan millisinin futbolçusu Mahir Emrelinin gələcəyi barədə danışarkən deyib.
O bildirib ki, 26 yaşlı hücumçunun taleyinə məşqçilər heyətinin rəhbərliyə təqdim edəcəyi hesabatdan sonra aydınlıq gələcək:
"Hələlik yekun qərar qəbul edilməyib. Mahirin adı klubun transfer siyahısında idi.
Stanoyeviç bəzi xətlərin gücləndirilməli olduğunu düşünür. Amma yeni mövsüm üçün hələlik öz hesabatını təqdim etməyib".
Mahir Emreli müqavilə ilə Xorvatiyanın "Dinamo" (Zaqreb) klubuna məxsusdur. Onun "Konyaspor"la icarə sözləşməsi cari mövsümün sonunda başa çatacaq.
.jpg)
