Türkiyə millisinin Şimali İrlandiya yığması ilə yoldaşlıq oyunu ləğv olunub.
Sportinfo.az xəbər verir ki, bu barədə yığmanın baş məşqçisi Şenol Günəş məlumat verib.
O bildirib ki, koronavirusun Türkiyədə geniş yayılması səbəbindən Şimali İrlandiya qardaş ölkəyə getmək istəməyib.
Sözügedən görüş mayın 31-də keçirilməli idi.
Türkiyə millisi mayın 27-də Alanyadakı "Oba" stadionunda Azərbaycanla yoxlama oyununa çıxacaq. Daha sonra "ay-ulduzlular"ın ikinci yoxlama matçındakı rəqibi bəlli olacaq.