.jpg)
Premyer Liqada qalmağı qarşısına məqsəd qoyan klubların sayı 3-4-dür.
«Turan Tovuz» da bu siyahıya daxildir.
Bunu tək biz demirik. İdarə Heyətinin sədri Ehtiram Quliyev də bu niyyətlə mövsümə başladıqlarını gizlətmir.
Gizlətsə, nə olacaq guya?Görünən kəndə nə bələdçi, əksər iştirakçıların büdcəsi onlardan çoxdur.
Sumqayıt Ayxan Abbasova doğma şəhərdir. Ən uğurlu illərindən dördünü burada keçirib. «Sumqayıt»a tarixinin ən şanlı səhifələrini yazdırıb.
İki dəfə ölkə kubokunun finalını ona yaşadıb. Premyer Liqanın bürünc medallarını bu şəhərə gətirib.
Klub indiyədək iki dəfə avrokuboklara vəsiqə qazanıb, o da Abbasovun sayəsində.
Əlbəttə, o gözəl günlərdən sonra bir daha Sumqayıta qonaq olmaq xoş hisslərdir. Düşünürük ki, «Turan» özünə doğma saydığı şəhərdə Abbasovun başını aşağı dikməyə qoymadı.
Meydanda həm taktiki, həm də açıq mübarizə getdi.
Hər iki tərəf fərqlənməyə yaxın oldu, Bir-birlərindən çəkinmədilər.
Tribunaya toplaşanlar, ekran başında əyləşənlər qol görmədi, lakin maraqlı oyun izlədiklərini söyləmək mümkündür.
«Sumqayıt»lad uel «Turan»la bağlı əsl gerçəyi bir daha gözlər önünə sərdi - bu komanda özünü səfərdə daha rahat, daha məmnun hiss edir.
KAMİL
