Minifutbol üzrə Azərbaycan milli komandası qrup mərhələsinə necə inamlı başlamışdısa, çıxışını da eyni tempdə davam etdirdi.

Qrupu lider kimi başa vuran yığmamız pley-off mərhələsində ilk sınağında əzəli rəqibi Qazaxıstan millisi ilə üz-üzə gəldi.

Xatırladaq ki, Qazaxıstan millisi bizim üçün heç də arzuolunan rəqib sayılmırdı. Son Avropa çempionatındakı qələbədən sonra bu komandaya qarşı uğur qazana bilməmişdik. Lakin bu dəfə hər şey fərqli oldu. Revanş vaxtı çatmışdı və milli komandamız əzmkar oyun nümayiş etdirərək rəqibini 3:2 hesabı ilə məğlub etdi.

1/4 final mərhələsində isə yığmamızı turnirin favoritlərindən və çempionluğa əsas namizədlərdən olan Çexiya millisi gözləyirdi.

Hər kəs daha gərgin və çətin qarşılaşma gözləsə də, komandamız rəqib üçün xoşagəlməz sürprizlər hazırlamışdı. Azərbaycan millisi oyuna yüksək tempdə başladı, ardıcıl və təhlükəli hücumlarla rəqibi təzyiq altında saxladı. Bunun nəticəsində ilk hissədə Çexiya millisinin qapısından 3 cavabsız top keçirildi. Qarşılaşmanın davamında daha 2 qol vuran yığmamız meydandan möhtəşəm 5:2 hesablı qələbə ilə ayrıldı.

Beləliklə, Azərbaycan milli komandası yarımfinala yüksəldi və çempionluğa daha bir addım yaxınlaşdı.

Uğurlar, Milli! Uğurlar, Azərbaycan!

“Sportinfo TV” Slovakiyada keçirilən qitə birinciliyinin gedişini işıqlandırmağa davam edir.

Saytımızın “yutub” kanalı buradan növbəti reportajı hazırlayıb.

VİDEONU BU LINKƏ DAXİL OLARAQ İZLƏYİN