"Şamaxı"nın qapıçısı Rikardo Fernandes Premyer Liqanın 6-cı turunda "Araz-Naxçıvan"la bərabərliklə bitən (1:1) qarşılaşmadan sonra Sportinfo.az-a müsahibə verib.

- Oyun barədə nələr deyə bilərsən?

- Birinci hissə yaxşı oynadıq. Qol vurduq, hesabı artırmaq üçün şanslarımız oldu. Ancaq ikinci hissə bəzi dəyişikliklərdən sonra nəzarət daha çox rəqib tərəfində oldu.

- Birinci yarıda aşkar üstün olduğunuz görünürdü. Həmin dəqiqələrdə fərqi artırmaq üçün nə çatmadı?

- Bəzən bəxt, bəzən səhv qərarlar mane oldu. Ancaq onu da deyim ki, heyətimiz kasaddır, zədəli oyunçularımız var. Bütün bunlara rəğmən inkişaf etməyə davam edəcəyik.

- Azərbaycanda ikinci mövsümünü keçirirsən. Premyer Liqada ötən mövsümlə müqayisədə hansı fərqlər var?

- Komandaların mübarizə gücü artıb.

- Uzun müddət dominant tərəf oldunuz. Bu məqamı düşünəndə iki xal itirdiyiniz düşünmək olar?

- Məncə, 1 xal qazandıq. Düzdü, hər oyunda 3 xal üçün meydana çıxırıq. Amma bugünkü rəqib böyük komanda idi. Fərqli hədəfləri var. 3 xal alsaq yaxşı olardı, amma ümumilikdə 1 xal da pis deyil.

- Hakim qərarları kənardan ciddi narazılıqla qarşılandı. Meydanda vəziyyət necə idi?

- Hakimlər haqqında danışmaq istəmirəm.

- Növbəti rəqib "Qəbələ"dir. Oyundan gözləntilərin nədir?

- Bizim üçün çox çətin olacaq. Mənim fikrimcə "Qəbələ" liqada ən yaxşı furbol oynayan komandalardan biridir. Düzdü, nəticələri yaxşı deyil. Amma oynadıqları futbol çox yaxşıdır.

XANOĞLAN İMANOV