"Şamaxı"nın hücumçusu Kərim Rossi Premyer Liqanın 3-cü turunda "Sumqayıt"la heç-heçə (1:1) etdikləri matçdan sonra Sportinfo.az-a müsahibə verib.
- Görüşlə bağlı təəssüratların necədir?
- "Sumqayıt" yaxşı formadadır. Mövsümə əla başlayıblar. Biz də uğurlu olmaq istəyirik. İkinci yarıda real qol imkanlarımız oldu, ancaq yararlana bilmədik. Düşünürəm ki, iki istəkli komandanın görüşündə ədalətli nəticə oldu.
- Arxada qalan 3 turda qollar vurub, xallar qazana bilmisiniz. Bəs qələbə üçün nə çatmır?
- Təqvim yaxşı deyildi. "Neftçi", "Sabah" və "Sumqayıt"la ardıcıl oynadıq. İlk "beşlik"də olacaq komandalardı. Ona görə də xallar qazanmaq çətin idi. Qarşıdan "Karvan Yevlax"la görüş gəlir. İlk qələbəmizi qazanmağa çalışacağıq.
- Qarşıdan milli komandalara görə fasilə gəlir. Yeni komanda olduğunuzu nəzərə alsaq bunu faydalı saymaq olar?
- Daha yaxşı olmağımız üçün yerinə düşdü deyə bilərəm. Gələcəklə bağlı pozitivəm. Əminəm ki, çox yaxşı gələcəyimiz var.
- Premyer Liqa ilə bağlı düşüncələrin necədir?
- Düşünürəm ki, yaxşı liqadır. Asan oyun yoxdur. Məsələn, ötən həftə "Qarabağ" "Sumqayıt"a məğlub oldu. Çətin mövsüm olacaq. Amma buna rəğmən mən özgüvənliyəm. Yaxşı şeylər edəcəyimizə inanıram.
XANOĞLAN İMANOV
