“Tovuzdakı meydanda əziyyət çəkən futbolçuların zəhmətini yerə vura bilmərəm”.
Bu sözləri Sportinfo.az-a açıqlamasında “Şamaxı”nın qapıçısı Rikardo Fernandes deyib.
Premyer Liqanın 23-cü turu çərçivəsində “Kəpəz”lə Tovuzda baş tutan qarşılaşmada (1:1) şamaxılılar meydana iki ciddi itki ilə çıxmışdı. Komandanın əsas simaları - Leroy Mikels və Belajdi Pusi oyunda iştirak etmirdi.
Maraqlıdır, onların yoxluğu “şirlər”ə necə təsir edib? Leroyla Belajdi oynasaydı, “Kəpəz”i udmaq mümkün olardımı?
Rikardo verdiyi cavabla peşəkarlıq nümayiş etdirib:
“Biz bir ailəyik. Onlar yoxdursa, digərləri var və əllərindən gələni etməyə çalışdılar.
“Şamaxı” ayrı-ayrı futbolçulardan asılı deyil. Komandadakıların hamısı oynamağa layiqdir və “Şamaxı” üçün vacibdir.
Ona görə də birini digərindən fərqləndirmək istəmirəm. Önəmli olan odur ki, səfərdən xalla qayıtdıq”.
