"Peşman olsam da... " - Premyer Liqanın yeni qapıçı və hücumçusu

15 Yanvar 19:00 Şamaxı 1 349
"Peşman olsam da... " - Premyer Liqanın yeni qapıçı və hücumçusu

"Şamaxı" qış fasiləsində ikinci sınaq matçını "Sabah"a qarşı keçirdi.

Görüşün ən maraqlı olayı isə 3-cü hissədə yaşandı.

Bölgə klubu 0:2 geridə olduğu oyunda üçüncü qapıçı Abdulla Seydəhmədovu öncə stoper, ardınca forvard kimi sınadı.

Qarşılaşmanın final fitndən sonra Abdullanı axtarmağımız da məhz bu səbəbdən idi.

"Peşman olsam da... " - Premyer Liqanın yeni qapıçı və hücumçusu

- Bu gün səni sahə oyunçusu kimi görməyimiz sürpriz oldu. Özün buna hazır idin?

- Oyundan öncə baş məşqçi məndən bu barədə soruşmuşdu. Mən də oynamağa hazır olduğumu demişdim.

- Əvvəldən belə təcrübən var?

- Məşqlərdə oyunçu çatmayanda mən də sahə oyunçularına qoşuluram. Amma bir gün belə qərar olacağını gözləmirdim.

- Oyundan sonra baş məşqçidən hansı reaksiyanı gördün?

- Yəqin ki, sabah söhbət edəcək (gülür).

- Kənardan bizim gördüyümüz qədərilə pis deyildin. Həm də mərkəz müdafiəçisi, həm də hücumçu kimi mübarizələrdən qalib ayrıldın.

- Pis alınmadı. Məşqlərdə oynasam da, belə səviyyədə oyunlarda ilk təcrübəmdir.

- Qapıçı sənətini seçdiyin üçün peşman deyilsən?

- İnsan çox şey fikirləşir. Kaş bu şey olsun dediyimiz anlar olur. Amma peşman olsam da dəyişən nəsə olmayacaq.

XANOĞLAN İMANOV

Digər Xəbərlər
Xəbər Lenti
15 Fevral 17:00 “Bu, bizə mane olurdu”
15 Fevral 08:40 Azərbaycan 28-ci pillədə