“Səbail” son həftələrdə zədəli futbolçuların yoxluğundan əziyyət çəkir.
Ağabala Ramazanov, Süleyman Əhmədov, Cabir Əmirli, Adil Nağıyev kimi oyunçular kollektiv çalışmalardan uzaq düşüb,
David Qomis iynə gücünə meydana çıxır.
Nir Bardea 3 turdur Premyer Liqada qələbə qazana bilməmələrinin səbəbini zədəlilərin çoxluğu ilə əlaqələndirməyin tərəfdarı deyilö
İsrailli müdafiəçinin Sportinfo.az-a açıqlamasını görün:
“Sözsüz, hər bir futbolçu bizim üçün önəmlidir. Amma zədəli futbolçularımızın çox olması o demək deyil ki, qələbə qazanmamalıyıq.
Fikrimcə, geniş və yaxşı heyətimiz var. Elə futbolçulara sahibik ki, hər biri istənilən an oyunun gedişatını dəyişə bilər.
Məşqlərdə “11-liy”ə düşmək uğrunda gedən mübarizəni görsəz, dediklərimə əmin olarsız.
“Kəpəz”lə matçda qol imkanlarından yararlana bilmədik, “Araz-Naxçıvan”la qarşılaşmada komanda olaraq öz futbolumuzu oynamadıq.
Əsasən bunlara fikir verməliyik, çatışmazlıqlar üzərində çalışmalıyıq”.