.jpg)
«Səbail» qış fasiləsində minimum 3 yeni transfer edəcək.
Klub rəhbərliyi ilə görüşən Şahin Dniyev bu tələbi irəli sürüb.
Komandanın cari mövsümdəki çıxışını dəyərləndirən baş məşqçi mövcud heyətlə avrokuboklara vəsiqə qazanmağın mümkün olmadığını bildirib.
O iddia edib ki, sərəncamındakı bir neçə futbolçunun səviyyəsi aşağıdır, amma sırf məşqçi korpusunun müəyyənləşdirdiyi taktiki yol və psixoloji hazırlıq sayəsində hazırkı nəticələr əldə olunub.
Çalışdırıcı Premyer Liqanın son 2-3 turunda qeyri-stabil çıxış etməsini rəqabətsizliklə əlaqələndirib.
Vurğulayıb ki, istər yerlilər, istərsə də gəlmələr arasında özünü əvəzolunmaz sayanlar var və mütləq onlarla bağlı tədbir görəcək.
İslahatlar aparacağına və kollektivdə cəmi 9 legionerin yer almasına diqqət çəkən Diniyev maraq dairəsinə düşənlərin də əcnəbi statusu daşıdığını söyləyib.
SPORTİNFO.AZ
