.jpg)
«Səbail» mövsümün sonunda əksər legionerləri ilə vidalaşacaq.
Bu barədə klubun rəhbəri Rauf Vəliyev xəbərdarlıq edib.
«Xəzər Dəniz Gəmiçiliyi»nin (ASCO) İdarə Heyətinin sədri komanda üzvləri ilə keçirdiyi toplantıda gələcək planları barədə danışıb.
O bildirib ki, «Səbail»i turnir cədvəlinin son sıralarında görmək şəxsinə ağır gəlir və vəziyyətdən çıxmaq üçün əlindən gələni əsirgəməyəcək.
Vəliyev qeyd edib ki, ötən ilin yayında müqavilə bağlanan əcnəbi futbolçuların bir çoxu ümidləri doğrultmayıb və onlarla bağlı konkret addımlar atılacaq.
Sədr, o cümlədən, bəzi yerli oyunçuların da yayda yola salınacağını gizlətməyib.
SPORTİNFO.AZ
