“Yeni mövsümün ilk matçını səfərdə 9 qat Azərbaycan çempionu “Qarabağ”a qarşı keçirəcəyik.
Bu amil bizim üçün böyük məsuliyyətdir“.
Sportinfo.az xəbər verir ki, bu sözlər “Səbail“in qapıçısı Emil Balayevə aiddir.
O. 2022/23-cü illər mövsümünün ilk turu çərçivəsində “Qarabağ”a qarşı keçirəcəkləri oyundan öncə fikirlərini bölüşüb:
”Komandanın hər bir üzvü bunu dərk edir. Düşünürəm ki, kifayət qədər uğurlu təlim-məşq toplanışı keçirmişik.
“Qarabağ”la oyuna da ciddi hazırlaşırıq. Layiqli mübarizə aparacağımıza əminəm. Yaxşı nəticə əldə etmək üçün hər birimiz var gücümüzlə çalışırıq”.