"Səbail"in yeni transferi Qustavo França klubun mətbuat xidmətinə açıqlama verib.
Sportinfo.az xəbər verir ki, braziliyalı müdafiəçi paytaxt klubuna keçidini şərh edib:
"Özümü əla hiss edirəm. Komandadakı hər kəs məni çox səmimi qarşıladı və bu, mənim üçün xoş sürpriz oldu.
Ötən gün isə burada ilk məşqimə çıxdım. Komandada abu-hava çox yüksək idi. "Səbail"də olduğum üçün xoşbəxtəm".
França qarşıdakı 1 ili "Səbail"də keçirəcək. 25 yaşlı müdafiəçinin son klubu Portuqaliya Sequndasında yarışan "Leykşoeş" olub.