“Bombardir olmaq mümkündür, amma biz hər oyuna ayrıca köklənirik”.
Sportinfo.az xəbər verir ki, bu sözləri “Sabah”ın hücumçusu Coy-Lens Mikels bildirib.
Premyer Liqanın 16 turu ərzində 9 qol vuran və bombardirlər siyahısına başçılıq edən almaniyalı şəxsi göstəriciləri ilə bağlı danışıb:
“Qol vurmaq, təbii ki, xoş hissdir. Bununla yanaşı, komanda yoldaşlarıma məhsuldar ötürmələr vermək də mənim üçün vacibdir.
Yalnız fərdi statistikanı düşünmürəm, komandaya fayda verə bilirəmsə, bu, mənə xüsusi qürur hissi yaşadır”.
