.jpg)
"Sabah" Avropa Liqasının 2025/26 mövsümündə mübarizəyə başlayıb.
Sportinfo.az xəbər verir ki, Azərbaycan təmsilçisi 1-ci təsnifat mərhələsinin ilk oyunları çərçivəsində evdə "Çelye" (Sloveniya) ilə qarşılaşıb.
“Bank Respublika Arena”da keçirilən matçda Masazır təmsilçisi birinci hissədə hesabda irəlidə olsa da, fasilədən sonra buraxdığı qollarla uduzub - 2:3. Sloveniya təmsilçisi qələbə qolunu 90+3-cü dəqiqədə vurub.
Görüşü Qazaxıstandan olan hakimlər briqadası idarə edib.
Bu komandalar arasında cavab oyunu isə iyulun 17-də Sloveniyada olacaq.
İki matçın cəmində üstün olan tərəf 2-ci turda AEK (Kipr) – “Partizan” (Serbiya) cütünün qalibi ilə üz-üzə gələcək.
Məğlub komanda isə yoluna Konfrans Liqasında davam edəcək və "Birkirkara" (Malta) - "Petrokub" (Moldova) cütünün qalibi ilə qarşılaşacaq.
“Sabah” - “Çelye” 2:3
Qollar: Pavol Safranko, 3, 18, (pen) - Franko Kovaçeviç, 7, 48, Darko Hrka, 90+3
