«Sabah» Davit Volkovu cərimələyib.
Buna səbəb onun Premyer Liqanın XXXIV turunda “Qəbələ”yə uduzduqları (0:2) görüşdə qırmızı vərəqə ilə meydandan qovulmasıdır.
Belə ki, 61-ci dəqiqədə Emma nuel Apehin əvəzinə oyuna daxil olan gürcüstanlı hücumçu 4 dəqiqə sonra rəqibinə kəllə atdığına görə qarşısında qırmızı vərəqə görüb.
AFFA İntizam Komitəsi Volkovu ikisi şərti olmaqla dörd oyunluq cəzalandırıb. Ona 3 aylış sınaq müddəti təyin edilib.
Bununla yanaşı, 3000 manat cərimələnib.
Davit bu məbləği öz cibindən ödəməli olacaq. Daha dəqiq desək, cərimə onun əməkhaqısından tutulacaq.
“Sabah” Volkovun cəzası ilə bağlı AFFA-nın Apellyasiya Arbitraj Tribunalına şikayət etməyəcək.Masazır təmsilçisinin mətbuat katibi Elnur Həmidov səbəbini belə əsaslandırıb:
“Davit Volkovun cəzası ilə bağlı apellyasiya şikayəti olmayacaq. Bilərəkdən rəqibi vurmağın cəzası 2 oyunluq diskvalifikasiyadır.
O da futboldan kənar olan qırmızı vərəqə idi. Ümumiyyətlə, bununla bağlı apellyasiya şikayəti verməyin də mənası yoxdur. Əsasnaməyə uyğun qərardır”.
SPORTİNFO.AZ
.jpg)
