.jpg)
Növbəti mövsümdən etibarən Region Liqasının keçirilməyəcəyinə dair xəbərlər yayılıb.
İddia olunur ki, AFFA 5 ildir təşkil etdiyi çempionatın səviyyəsindən narazıdır və onun bazasında III Liqada yaraıdlması planı üzərində işləyir.
Bildirilir ki, bu yarışın qalibi 2025-ci ildə II Liqaya vəsiqə qazanacaq, ikinci yeri tutan komanda 9-cu yerin sahibi ilə pley-off mərhələsində üz-üzə gələcək.
O da deyilir ki, federasiya III Liqanı zonalar üzrə keçirəcək və hər iştirakçıya aylıq 5000 manat ödəyəcək.
AFFA-dan bu məlumatı redaksiyamıza təsdiq etməyiblər. Verilən məlumatda qeyd olunub ki, hazırda III Liqanın yaradılması gündəmdə deyil.
Digər tərəfdən isə Region Liqasının keçirilməsi UEFA-nın kriteriyalarına uyğundur.
Çünki qitə futbol qurumu həvəskar statuslu klublar üçün hər il Regionlar Liqası düzənləyir və hər ölkənin çempionu bu turnirdə qüvvəsini sınayır.
SPORTİNFO.AZ
.jpg)
